Bergrún er mállaus frá fæðingu en heyrir. Hún tjáir sig með íslensku táknmáli og tónlist, og óvenjunæm heyrn opnar henni heim sem aðrir taka ekki eftir.

Listaverk hennar, EGÓDEATH, vekur athygli prófessors sem býður henni að taka þátt í þróun skammtatölvunnar Yggdrasils. Þar mætast hljóð, ljós og mannleg skynjun. Þegar svar berst úr annarri vídd er það Bergrún sem heyrir það fyrst.

Tuttugu og tveimur árum síðar vaknar hún sem Echo. Heimurinn hefur haldið áfram án hennar. Í leit að lífinu sem hún missti fer hún að efast um friðinn sem allir aðrir virðast sætta sig við. Hver ræður nú því hvað fólk finnur?

ÍSLENSK VÍSINDASKÁLDSAGA · HANDRIT Í ÞRÓUN